బాబా భాస్కర్ని ఉతికేసిన యానీ మాస్టర్!
on Mar 3, 2021
ఈ ఆదివారం స్టార్ మా వినోదాల విందుతో వీక్షకుల్ని అలరించబోతోంది. నవ్వుల వర్షం కురిపిస్తూ ఆద్యంతం ఎంటర్టైన్ చేయబోతోంది. సుమ యాంకర్ గా వ్యవహరిస్తున్న కామెడీ ఎంటర్టైనర్ 'స్టార్ట్ మ్యూజిక్'. ఇటీవలే సుమతో పునః ప్రారంభం అయిన ఈ షో ఆద్యంతం వినోదాత్మకంగా సాగుతూ ఆకట్టుకుంటోంది. ప్రతీ ఆదివారం మధ్యాహ్నం 12 గంటలకు ఈ షో ప్రసారం అవుతోంది.
రెండు టీమ్లతో సుమ చేసే కామెడీ వీక్షకుల్ని కడుపుబ్బా నవ్విస్తోంది. ఈ వారం ప్రముఖ డ్యాన్స్ మాస్టర్స్ బాబా భాస్కర్, రఘు మాస్టర్, యానీ మాస్టర్ ఈ షోలో పాల్గొంటున్నారు. వీరితో పాటు భానుశ్రీ కూడా పాల్గొని ఎంటర్టైన్ చేయబోతోంది. ఇందుకు సంబంధించిన ప్రోమో నెట్టింట సందడి చేస్తోంది. బాబా భాస్కర్ తో పాటు మరో ఇద్దరు లేడీస్ ఓ టీమ్గా ఈ షోలో పాల్గొంటే, రఘు మాస్టర్, భాను శ్రీ, యానీ మాస్టర్ ఓ టీమ్గా పాల్గొన్నారు.
ఇందులో యానీ మాస్టర్పై బాబా పంచ్లు వేయడంతో యానీ మాస్టర్, భానుశ్రీ కలిసి బాబా భాస్కర్ని ఉతికి ఆరేయడం నవ్వులు పూయిస్తోంది. మధ్యలో సుమ ఎంట్రీ ఇచ్చి మాస్టర్ గడ్డంని చూపిస్తూ "మాస్టర్ నేను మళ్లీ మర్చి పోతాను.. వెళ్లేటప్పుడు మాత్రం గిన్నెలు తోముకోవడానికి కొంచెం పీచు కావాలి.. ఇచ్చేసి వెళ్లండి." అంటూ పంచ్ వేయడంతో అంతా నవ్వుల్లో మునిగిపోయారు. దీనికి సంబంధించిన ప్రోమో నెట్టింట సందడి చేస్తోంది.
Also Read